ÇETEM BLA MEN 3

ÇETEM BLA MEN

Kim bişirir koyannı

Örge turub kadalıb

Uyalmayın karayla

Manga tüşdü şapalık

Kesimida mahdayım

Men koyannı bişirsem

Küydürmeyin tüşürsem

Ülüş etib üleşsem

Alay tatlı boladı

Kaşık çatal alıgız

Halal bolsun aşagız

Şapalıknı mahdagız

Koyan bişet kazanda

Aşıkmagız aşarga

Sizle catıb cuklarga

Otdan tüşer tamlaga

Aliy başlayt aldarga

Ollahiy ha adamım

Birkün uvga barganim

Dört koyannı vurganim

Etme alan bıllayla

Nişangada bir kara

Artın etib koyasa

Bir atıb,dört vurasa

Davur süyür bolalla

Taşla vurub ayünü

Cabıb tutub börünü

Ürkütdüle tülkünü

Alan bılay netesiz

Kıçırıkla,siyitle

Meni teli ettigiz

Turuguzda ketigiz

Eştmeydile ma meni

Kaydam kaydat esleri

Samarkavda etelle

Heb birgeley külelle

Akga B 1 Aralık 201

KÖRDÜGÜZMÜ SİZ MENİ!!

KÖRDÜGÜZMÜ SİZ MENİ!!

Bükün men ne ettim?

Tohdamayın küreştim

Köble bla sermeşib

Dünyaların tar ettim

Bara bardım bir cerde

Hitler bla tübeştim

Aruv aytıb küreştim 

Anglamadı taş ettim

Stalin degen soysuzga

Beg avurla söleştim

Tüye tüye erigib

Adamlıkdan tış ettim

Cengiz Han'la sermeştim

Ayamayın tüyüştüm

Kördügüzmü siz meni

Anı kalay tuş ettim?

Tengiz tıymasa meni

Buşh tabagada barrigim

Cüregini carrıgim

Tögub kanın allıgim

Akga B 30 Kasım 2011

ELNİ MANGA KÜLDÜRME

ELNİ MANGA KÜLDÜRME

Keçe körsem tüşümde

Avruv tiyet kesime

Kündüz kirseng esime

Şaytan kiret işime

Süydüm seni derime

Açuv tiydi ernime

Seni süyüb kelgenme

Ot tüşürdüng kölüme

Neterikme bilmeyme

Kelib kirding kölüme

Karab seni körürge

Kan tolturdung közüme

Mudah bolgan künümde

Seni körüb küllükme

Meni bolsun avruvung

Seni süyüb öllükme

Gina entda kellikme

Otga atıb küydürme

Teli debda bildirme

Elni manga küldürme

Akga B 30 Kasım 2011

ÇETEM BLA MEN(2)

ÇETEM BLA MEN(2)

Men kirgenme kaygıga

Közüm karab bir kızga

Andan mudah turama

Aytalmayın ma sizge

İlyas kirdi ma sözge

Nögerlikni kurayık

Madarına karayık

Anı sanga alayık

Biz allayla eterge

Eşik katı vuruldu

Biz eşikge ceterge

Murat kirdi ma üyge

- Yuh bılay kirilirmi?

-Kalay kirikme sora?

-Meni üyümt bılayı

-Eşikni vur kir desele kir

Dayı naytdı kördüngmü?

Koy aytmagız aman söznü

Karartmagız kaşnı,köznü

Taraltmagız nöger kölnü

Alay etgen,igi tüldü

İlyas turat ışarıb

Bizda anga karaşıb

-Halıvenge çıgıgız

-Hezat bardı körügüz

-Avur boldu sözügüz

Nezat aytdı bu endi?

Sözü başı erkindi

Çıgıb ketdi eşikge

Koyan bla kirdi ızına

-Kaydan aldıng sen anı?

Satıb aldıng bolurmu?

Közü sokur koyannı

Tüzde tabdıng bolurmu

Voy alanla bolmadı

Kagıt kalam arıdı

Artı kaldı tamlaga

Körüşürbüz ginada

Akga B 30.Kasım 2011

KONAK BLA KONAKBAYNI TAVRUHU

Burunguda Karaçaylı'ga konak kelgent.Konak obur,konakbay kızganç bolgant.Konak supraga ne salıngan eseda aşab,sıypab bılay etgen sünnetti deb,harzatnı koratgandı.Konakbayda eki közün agartgandı.


Supradagıla bitgenden sonra konak tuvrasındagı caşcıknı kögüztüb sorgandı. Munu atı nedi?Konakbay erley söz koşgandı.Anı atı Farzdı.


Konak ketgenden sonra konakbay oramda hapar aytadı.Caşımı atı Farzdı deb adamnı avuzundan zor kutgardım

Akga B 29 Kasım 2011

MENDEN İGİ TABMAZSA

MENDEN İGİ TABMAZSA

İzley kelib dünyanı

Bek köbleni tabsangda

Menden igi tabmazsa

Süydü debda aytmazsa

Cüregimi üy etding

Carlı cannı kul etding

Cakdıng,cıkdıng kül etding

Nedi seni inneting?

Eki künlük dünyagı

Beş kuruşga satma sen

Meni bergen bagamı

Uçuz etib,aytma sen

Akga B 29 Kasım 2011

ÇETEM BLA MEN (1)

ÇETEM BLA MEN (1)
Men aytayım haparnı
Kulak berib tınglagız
İgi tınglab anglagız
Bir daha aytmam ha

Keçe bolduk cıyıldık
Altı kişi bolaldık
Hapar ayta başladık
Hoylu hapart tınglagız

Ahmat aytıb başladı
Süygenlerin sanaydı
Beg örgeden sermeydi
Külürgeda bolmaydı

Kerti süygenin aytsa
Ahsıngallay tohdaydı
Başdan alıb başlaydı
Solub solub mahdaydı
Bir kesekcik tınglayık
Kölün biraz alayık
Bazı mahdav salayık
Karuv bere barayık

Timur sıra saklaydı
Sıra kelmey turadı
Tözelmayın biraznı
Hını mını boladı

Sıra keldi Timur'ga
Ayt aytırıng nezattı
Kölüngdegi olzatnı
Ozub koyma Ahmat'nı

Bek mudahma adamım
Bir madarda tabmayın
Kolum sanım tutmayın
Dıgalasga kalganma

Nezat boldu adamım
Kertidenda kıynaldım
Aytda menda anglayım
Bir madarga karayım

Alan bir bek arıdım
Bir kesekcik catayım
Cuklab kalsam keçigiz
Artın tabla aytayım
Akga B 29 kASIM 2011

AMMA BLA CAŞCIK

AMMA BLA CAŞCIK

Amma supra salgandı
Caşcık anga karaydı
Bolganlanı caratmay
Tört canını talaydı

Aşa caşım karama
Bir cuk barsın karnıga
Meni blay kıynama
Kulagıngdan tartırma

Cav bolmasa aşamam
Supra taba karamam
Men cumuşga caramam
Kayda kaldı sarıcav?

Aytganımı etmeding
İynekleni kütmeding
İynek bizge bermedi
Sütnü erkin iymedi

Hayda tamla küteyim
Uzaklaga erteyim
Toydurubda keleyim
Berirmise sarıcav?

Alay bolsa caşcıgım
İynekleni savarma
Sarıcavda salıma
Seni mahday turuma
Akga B 28 Kasım 2011

TANIYMISA SEN ANI?

TANIYMISA SEN ANI?

Begimlikni,karamnı

Mingi Tavdan algandı

Tavkellikni,çalımnı

Kuban suvdan tabgandı

Anı blat erkenlik

Öhtem caşav,cigitlik

Anı blat,miyiklik

Kökde uçgan kuş kibik

Mingi Tavga uşaydı

Mingi Tav'ça çıdaydı

Mingi Tav'ça caşaydı

Başın timtik tutadı

Bilmeyiseng, bil anı

Adam kibik adamdı

Curtu bla Kuran'nı

Baş üsünde tutadı

Tanıymısa sen anı

Karaçaydı,Malkardı

Sıyı bla caşaydı

Allah anı mahdaydı

Akga B 27.Kasım.2011