TOLU TAVUŞ TOK BOLAT..

Kuru tavuş tik urat
Tiygen cerin bek oyat
Cüreklege cüg bolat
Bargan ceri çars tolat

Tolu tavuş tok bolat
Süygenleri köb bolat
Karuv tolat küç bolat
Bargan cerge tab konat

Tenekeni davuru
Bolmayt alay karuvu
Zaran beret kulakga
Caramaydı bir cukga

Köb söleşib turganla
Sözge avruv koşalla
Söznü kengden tutganla
Cırda makam buzalla
Akga B 04 Mart 2012

AGASAR

Ana elim Agasar
Seni süyüb ösgenme
Bu nazmunu caratsang
Sanga savga iyeme

Başıng tavga tayanıb
Kün çıkganga tuvrasa
Kalang bardı oyulub
Bek ertdege barasa

Tavlarıng bart alamat
Aylanganla körgenle
Közlerini alalmayt
Kaytıb artga ketalmayt

Caz kelgenley kuvanıb
Adamlanı sıylaysa
Kış cetgenley taralıb
Tarıgıvnu salasa

Keçe sayın kızlarıng
Kiliysada tüş köret
Tıyalmayın keslerin
Kiliysa ga terk cetet

Cürek bla caşlarıng
Kiliysaga col etet
Alalmayın kızların
Kiliysadan şoş ketet

Bazı sözüm çam sözdü
Başhalaga ayttırmam
Süymekligim bek köbdü
Seni cerge karatmam
Akga B 04 Mart 2012

Tamara Bittirova

Akga Bichaksiz

Tavda Tavlu östürgen.
Tavlula'ga nasıbsa.
Halkın örge költürgen.
Tavnu cigit kızısa
Öhtemliging turumung.
Tav ellede aytılsın.
Halkga bergen kullugung.
Suvabınga cazılsın
Cumuşunla sıyıngla.
Halkıng sanga kuvana
Kuvanç bla köb caşa
Tavlu kızı Tamara
Tamaraga karayma
Halkga men da carayma
Tamaraga suklana
Men da artdan barama

KİLİYSADAN SALAMLA

Kallay sagış etsemda
Sen kelese esime
Senden kaçıb ketsemda
Barıb sanga tübeyme

Kökde seni köreme
Carık culduz senmise
Mölek türsün üsüngde
Cannetdenmi engense

Keçe sayın netese
Çakırama kelmeyse
Tang atgınçın saklayma
Köz kısmayın turama
Akga B 02 Mart 2012 KİLİYSA

ALLAY ADAM TÜB BOLSUN

Bardı allay adamla
Adamladan tuvalla
Şaytan türsün allala
İblis bolub caşayla

Men aytayım haparın
Adam derge uyalıb
Siz salıgız atların
Men aytmasam tartınıb

Bardı bardı allayla
Frgavunga suklana
Haram kabın kabganla
Ahratınnı satganla

Karnaşları cılasa
Artın burub koyganla
Ay marca deb kıçırsa
Sangrav bolub kalganla

Birileri sakallı
Allah sözün alalla
Arı beri sozalla
Para bla satalla

Bazıları bek tokdu
Betlerinde kud cokdu
Gıbıtları tob tolu
Cürekleri bom boşdu

Birda bardı allayla
Bolum cokdu kesinde
Şer agadı betinde
Adebi cok sözünde

Okugandı baş bolgant
Patçah bla teng bolgant
Allay adam tüb bolsun
Halkın küseb aç tursun
Akga B 01 Mart 2012

ELBERLE

Akga Bıçaksız

Biz sabiy sagatda comak elber aytuvçan edik.Comakda kökde caşagan bir emegen bola edi.Cerge bir kudoru urluk ata edik Ol erlay osüb başı kökge çıgıb kete idi.Bizda örleb emegenni üyüne bara edik.Nek örleyik nek barayik alayın unutganma.Cangız comakda as bus adam iyis deb bir sözle boluvçu edi
Birda elber sora edik.Üy elberlede bir üyde bir ana bir ata ança kız munça caş bir gitçe sabiy degença üylede kaç kişi bolganın sora edik.Bilalmagandan bir şahar alıb cuvabın alay ayta edik.Söz üçün Ankara nı ber desek olda ogay Eskişahar nı bereyim deb ayta edi Biz ullu şahar izleyik ol gitçe şahar berige süye edi.Şaharnı alsak igiligi meni amanlıgı keri deb başlagan bir algışda boluvçu edi
Elberleni birda sözle sorulganı bar edi Endi men aladan eki_üçün sorayım,bilalmasagız şaharıgıznı koluguzdan alırma ha Aytı aytmadı demegiz.Cuvabnı anga köre berigiz
1)Arımaydı talmaydı,at artından kalmaydı..?
2)Men barama barama balta uzunu baralmayma..?
3) Candan cangız tuvar,cangızdan can tuvar..?
4)Ol çabmaydı ürmeydi üyge kişi iymeydi...?
5)İçi ot kibik tışı tob kibik biligiz nedi..?
Bilalmaganla şaharların bersinle cuvablanı alsınla...

• You, Oktay Erendur, Ismail Yilmaz, Mehmet Korkmazoğlu and 10 others like this.
• • 

    Halime Çeken Merhaba Akga abi. 2) Men barama barama balta uzunu baralmayma..? Bunu Lüyza ammamdan eştgenedim. "Tirmen taş" dep kalğandı akılımda, unutmağanesem ?

    Wednesday at 1:14pm · 
  • 

    Halime Çeken Kalğanların da uydurayım, tutdurallığesem. 1- Pulluk, düven kibik bir zat bolur mu? 3- Tavuk- gaggı 4- Eşik, kirit 5- kün veya ay

    Wednesday at 1:21pm · 
  • 

    Akga Bıçaksız Salam Halima 1 bla 5 ni bilalmadıng 2 şahar borçlusa Tirmen taşnı tüzge sayayık Men BEŞİK BİLEME

DÜNYA BİLİR İŞİNİ...!

İgi etgen igini
Tuvradagı amandı
Amansızlay dünyanı
İgisida bolmaydı

Dünya dünya boganlı
İgi,aman bolgandı
Kaysı aslam bolsada
Oyulmayın kalgandı

Ne etsengda dünyanı
Birça bolmayt adamı
Sen kıynama canıngı
Dünya alay baradı

Köb bolsada amanı
İgi horlayt alanı
Teşilseda bir canı
Kesi kesin camaydı

Dünya bilir işini
Harzat tabar cerini
Örge tut sen igini
Tübde kalsın amanı
Akga B 29 Şubat 2012

MUTHUZ ETME KÜNÜNGÜ

Kıyın singmey işinge
Aşnı sanga bermezle
Kesing kobmay örgege
Karab seni körmezle

Bukün örge kobmasang
Uyanmasang cukudan
İzleb kesing almasang
Nasıb kelmez caşavdan

Allah bergen ömürnü
Avursunma cügünü
Örge kobar amaltın
Muthuz etme kününgü
Akga B 28 Şubat 2012

KİLİYSADA KARA SUV..

Karasuvdan akgan suv
Avruvlaga darmandı
Seni suvda körgen kün
Dünya meni bolgandı

Közlerimi közüngden
Ayırmayın karadım
Cüregimi kesimden
Alıb sanga bayladım

Kollarıngdan suv içdim
Közüm sanga katganlay
Cuklamayın tang ettim
Ol keçeva catganlay

Karasuvdan suv içgenle
Daha bir bek süyelle
Karasuvda süygenle
Birbirine küyelle

Sen bolmayın karasuv
Kölün salıb akmaydı
Sen ketgenli cüregim
Barır cerin tabmaydı

Karasuvda saklayma
Karasuvça arımay
Kellikse deb karayma
Karasuvça solumay
Akga B 03 Mart 2012

ANDAN MUNDAN KİLİYSA'DAN

Künge kara kaydadı
Tav artında batadı
Karaçaylı kızlaga 
Seyir bola catadı

Ay erteden tuvgandı
Cerge cabuv caygandı
Malkardagı kızladan
Ülgü ala turadı

Mingi Tavnu buzları
Kökge oyuv çaçadı
Tavnu Tavlu kızları
Möleklege uşaydı

Kiliysanı kızları
Çınaçıkda koşdadı
İngirala toy bardı
Caşları va kaydadı

Akga B 17 Şubat 2012

ERTDE SABİY OYUNLA

Algın ertde sabiyle
Oynay edik üy etib
Konak bolub kelsele
Arbazlada toy etib

Gagarakdan koy etib
Küte edik sürüvnü
Kıngır taşdan it etib
Kuva edik börünü

Oramlada it cabıb
Eskermeseng bek kabıb
Çeleklege süt savub
Oynay edik kuvanıb

Endi tuvgan sabiyle
Anasından caş tuvat
Sabiyligi tas bolat
Caşamayın kart bolat

Akga B 18 Şubat 2012

KARIŞMASIN ADAMLA..!

Suvga suvuk cetgenley
Katıb buzlab kalalla
Buzla künnü körgenley
Erib suvga kaytalla

Buzla barı suv bolsa
Kalay bolur bu dünya
Buzda kerek dünyaga
Buzla buzlay tursunla

Harkim kesin caratıb
Küreşelle can atıb
Suvnu allın tohtatıb
Buz üsüne tuz atıb

Kişi buznu buzmasın
Küreşib da turmasın
Suvnu allın tıymasın
Suv tübünde kalmasın

Karışmasın adamla
Buzla buzlay kalsınla
Suvla suvlay aksınla
Barır cerin tabsınla
Akga B 19 Şubat 2012

TRENGEMİ KARARIKBIZ!!!???

Sürgün süyelet tuvrama
Darua kelet aklıma
Colda suvukdan katalla
Açlıkdan ölüb baralla

Kuru gırcınnı tabamayın
Cılı orunda catmayın
Ayak tübünde kalalla
Suvga atalla başların

Alay bolmasın Alanla
Kaynayt kazança Suriye
Malkar Karaçay bizlege
Hapar iyelle kelirge

Kol uzatırga kerekbiz
Karnaş egeçbiz barıbız
Kobub birzatmı eterikbiz
Trengemi kararıkbız???????
Akga B 20 Şubat 2012

KAYSI BETLE BARRIKSA...!!!??

Minib baylık sırtına
Carık harib tüyese
Birzat bilib kesingi
Arı beri türtese

Afrikada carlıla
Alagada bir kara
Kulak berde bir tıngla
Naytat ala ma sanga

Ülüşlerin urlaysa
Rahat catıb cuklaysa
Naytırıksa ahratda
Sanga soruv sorsala

Cönger etib şaytannı
Otga attıng suvabnı
Tokmat etib günahnı
Başın ezding carlını

Sagış etda ayt manga
Beting kalmat etingde
Tamla Allah katına
Kaysı betle barrıksa

Akga B 21 Şubat 2012

KESİ SALSIN KABIRGA...!

Ölür avruv tabganma
Darman bolmay carama
Kölüm suvlay cukarıb
Ölüb ketib barama

Hucu kallık avruvga
Küç cetmeydi neteyim
Kesim cangız kabırga
Korkmay kalay kireyim

Cıyılganla tohturla
Eter madar tabmayla
Söz kalmayın aytırga
Manga mudah karayla

Töşek cıymay catsamda
Men ölümden korkmayma
Aliy bolmay katımda
Kayrı ketib barama

Aliy'imi sözleri
Esimdedi közleri
Mensiz kalık künleri
Aliyime külürmü

Aytıgızda kelmesin
Meni bılay körmesin
Cüregine kölüne
Menden avruv cetmesin

Aliy meni körmeyin
Men Aliyni köralsam
Alay cengil ölmezim
Men Aliyge toyalsam

Kobalmasam orundan
Aliy tutsun kolumdan
Men ketgenley cukuga
Kesi salsın kabırga
Akga B 23 Şubat 2012

UŞATTIMDA CIR ETTİM

Oy neteyim tenglerim
Süymeyt meni süygenim
Eştilmeydi tilegim
Küyüb barat cüregim

Ceti cılnı küreştim
Ceti tilni ürendim
Ceti tilde til töktüm
Nek eştmeydi süygenim

Kökde carık culduzga
Örge ertib teng ettim
Cerde gogga hanslaga
Uşattımda cır ettim

Cüregimde üy ettim
Eşiklerin keng ettim
Süymeklikle töşettim
Nek kirmeydi süygenim

Süyülmedim bek süydüm
Süye süye eriktim
Süyülmezça ne ettim
Nek kelmeydi süygenim

Akga B 24 Şubat 2012

İGİME DE SORSALA

Tirev tabda abınma
Abıngannı em alga
Cuvukları uralla
Artlarını buralla

Abınsangda cılama
Seyirsinib kararla
Bediş sözle aytırla
Külüb külüb kaytırla

İgi kattır kesingi
Seni adam bilsinle
Cıgılsangda bildirme
Elni sanga küldürme

Ölür kününg cetseda
İgşme de sorsala
Ölürüngü bilsele
Sanga canmı sallıkla

Akga B 25 Şubat 2012

TÜBBE TÜZÜN AYTAMA..!

Ma endigi adamla 
Birbirlerin satalla
Gırcınların tımların
Adam kandan cıyalla

Tavurları horozça
Caşavları tavukça
Zamansızlay kıçıra
Ne tabsala aşayla

Vo endigi adamla
Miyik üyde caşayla
Ata ana süymeyin
Töbe üyge atalla

Carlıbız deb cılayla
Konak kelse bugalla
Oltursala supraga
On kişilik aşayla

Akılları bir karış
Sözlerinde cok algış
Etalmayla tüz sagış
Bilgenleri heb bediş

Süymeklikle cav bolub
Kuvadıla uzakga
Tüyüş bla şoh bolub
Çakıralla konakga

Kelmegenle aklınga
Kelet endi başınga
Tübbe tüzün aytama
Bir sözçükda koşmayma
Akga B 27 Şubat 2012

KÖLÇÜK ATLI SÜYGENİM...!

Kölçük atlı süygenim
Nek mudahsa külmeyin
Salam berib kelgenim
Tansıklayda bilmeding

Sürüvlering itlering
Tavuşları çıkmaydı
Tıyılmavçu suvlarıng
Endi neçik akmaydı

Oyulgandı koşlarıng
Kartmı bolub başladıng
Boş kalmavçu tüzlering
Nek şoşdula bıllay kün

Senda kaldıng menleyin
Bet türsününg külmeyin
Sen süvüvçü tenglering
Eşigingden kirmeyin

Endi menme nögering
Açal meni ertginçin
Cöngerligim bitmeyin
Seni koyub ketmeyin
Akga B 12 Şubat 2012

SEN KAYDASA MARHAMAT...??

Birev tokdan karılat
Birev açdan bayılat
Sözde birça çaçılat
Ongsuz, adam sanalmayt

Ay marhamat marhamat
Adam kanı tohtamay
Örge kobta bircuk ayt
Cıldan cılga köb kanayt

İşde küşde camagat
Halal haram ayırmayt
Biyle alat baş ülüş
Carlıgava cuk kalmayt

Azab cetet aşıga
Onsuz başın aşarga
Uyat kaçat taşaga
Oynay küle ışara

Caşav endi buzulgant
Bergenleri azalgant
Orta direk cıgılgant
Carlı üyü kurugant

Sen kaydasa marhamat
Bukgan sanga caraşmayt
Sen bolmayın camagat
Tüz collanı tabalmayt
Akga B 26 Şubat 2012

CAŞAV MİNG CIL BOLSADA...

Kalay aruvt sallarıng
Senden aruv körmedim
Sense meni süygenim
Cüregimde mölegim

Kökde culduz közlering
Tolgan ayçat türsününg
Süymeklikni berirge
Çıgalmayma men örge

Kökge kalay ceteyim
Nek turasa enmeyim
Men caşab va neteyim
Seni biyçem etmeyin

Senden başha süyalmam
Dünya manga kalsada
Sanga karab toyalmam
Caşav ming cıl bolsada
Akga B 14 Şubat 2012

NEZAT BERDİNG AYT MANGA ?

Calan dünya oy dünya
Nezat berding ayt manga
Tögerekge karayma
Carar cukda tabmayma

Nedi manga etgening
Birzatlava bergening
On mislini ödetting
Caşavumu tar etding

Kökde kuşga uşayim
Tartıb cerge bulgadıng
Tolu cılla caşayim
Cuk koymayın urladıng

Kuvanç bla ösgenim
Ne körrükme bilmeyin
Acal terle tökdürdüng
Acal manga cetginçin

Atam catat koynungda
Karnaş ana onggunda
Harib etting songunda
Cangız koydung columda

Tohdamayın urlaysa
Kalganlanı algansa
Bir canımı koygansa
Anı bayrım kızganma
Akga B 14 Şubat 2012

‎3 (ÜÇ) TELİ

‎3 (ÜÇ) TELİ
Ekit bizni telibiz
Suratların körügüz
Aferimle berigiz
Eskertmeyin külügüz

İzlemegiz bermebiz
Ala ketse neterbiz
Ala cetmey,elibiz
Tış eldenda alganbız

Kar tıymaydı alanı
Zıncır cokdu tıyarga
Oyarıkça kalanı
Çıkgandıla tuvraga

Eki ile üç bolub
Sırtga çıgıb bardıla
Bara barıb çançılıb
Kar tübünde kaldıla

Hoylu birge cıyılıb
Kar tübünden sıyırdık
Motor bla tarttırıb
El içine cıyıldık

Surat salıb turalla
Bir karagız alaga
Teligemi uşayla
Akıldanmı cardıla
Akga B 13 Şubat 2012

NÖGERLİGİM CETMEYDİ..

Oy nasıbsız cöngerim
Eçki iynat etedi
Allın karab körmeyin
Carga tüşüb ketedi

Başın taşga tireydi
Katılıgın süyedi
Koçgar başça uruşub
Başın eki böledi

Harsnı hızlı ursala
Toy etib da terbeydi
Tüz tartuvnu soksala
Abezekge tebseydi

Aytılgannı anglamay
Karuvunu bilalmay
Maka bolub köbedi
Köbse çatlab öledi

Nögerligim cetmeydi
Süymekligim ketmeydi
Bir madar va tabmasam
Kölüm rahat etmeydi

Siz aytıgız tenglerim
Endi men va neteyim
Anga cırmı eteyim
Acalsızmı keteyim
Akga B 12 Şubat 2012

KUVANÇ BLA CAŞAGIZ..

Algın ertde zamanda
Tış Kralga barganga
Aytgandıla ma kartla
Nek baralla gavurga

Caşav kalmay algınça
Dünya bolgangt bek gitçe
Kalaygada barırça
Nezatnıda alırça

Üyge kirib turganla
Nasıb kelmeyt ayakga
Barır kerek uzakga
Allah bermeyt bir cukda

Uzak cerge barganla
Nasıb izleb tabganla
Cokdu anı günahı
Bolluk bolur suvabı

Kalaygada barıgız
Nasıb izleb tabıgız
Halkıgıznı unutmay
Kuvanç bla caşagız
Akga B 11 Şubat 2012

KİLİYSA (HIDIR ELLEZ)

1980 lege deri har cıl etile edi Erdengide elde bir tamada koluna uzun bir sırık alıb üy üy aylana edi Har üy para,kölek havlu çebgenlik.....degença birzat bere edi


Kün örge çıgarga sırtbaşına cıyılıv başlay edi Tögerek elden kelgenlele birgeley
adam sangı mingden aslam bola boluredi Atla çabışsa birinçi,ekinçi üçünçü kelgenlege elden cıyılgan zatladan savga berile edi Cıllarına köre sabiy caş kavum kartla ayrı ayrı cıgışıb çabışganga koşula edi
Kol taş atılgan sekirişgen carışlada bolub kazanganlaga savga berile edi

Söznü kısgası ullu gitçe harkim birzatga boluşa edi
Ekindi zamanga kartla çaçılsa caş kavum ingirge tere sırta oyun oynab keçede toy etile edi
Sizni anglarıgıgız kitçe bir Olimpiyat carışıça bola edi Külmesegiz birzat koşarrıkma:))Manga bütev dünya sırtbaşına cıyılgança kalabalık körüne edi
El çaçılganinde tarih bolduda kaldı