KARACAY MALKAR DERNEGINDEN SEMENLENI SIMAYILNI ANMA TORENI DAVETIYESI

01 Şubat, Çarşamba
07.00 Kahvaltı (otelde)
08.00 Eskişehir’e Hareket
09.00 Başhüyük kasabasına ziyaret
13.00 Otele Yerleşim
14.00 Öğle Yemeği
15.00-17.00 Boş Zaman
19.00 Semenov’u Anma Programı (Odunpazarı Belediyesi Kültür sarayı)
22.00 Akşam Yemeği

İÇİBİZDE CAŞAYDI

Eki karnaş davlaşdı
Mallarını paylaşdı
Biri aldı savlayın
Adet töre saymayın

Öbür karnaş uyaldı
Cuk aytmayın tıngladı
Adet,töre namısnı
Atasını sayladı

Birinçisi caşaydı
Atasından uyalıb
Ne tabsada aşaydı
Halk üsüne çullanıb

Ekinçisi caşaydı
Atasından kuvanıb
Halkın örge tutadı
Halkı anga suklanıb

Birinçsi şav boldu
Cardan ketdi tas boldu
Kişi anı tabmaydı
Kaydam endi kaydadı

Ekinçisi ong boldu
Adam boldu bay boldu
El allında baş boldu
İçibizde caşaydı

Akga B 29 Ocak 2012

MENİ KIYNAYT HAPARI

Baynı biyni horozu
Gaggı tabat alaga
Carlı üynü tavugu
Talpıb karayt gaggıga

Baynı biyni eçgisi
Egiz tuvat ulagı
Oy carlını eçgisi
Ölüb tuvat ulagı

İtni tebleb ozsada
İtda kabmayt baylanı
Kökge kaçıb buksada
Tabıb talayt carlını

Carlı kayda bolsada
Meni kıynayt haparı
Açtan ölüb kalsada
Baynı bolmayt haparı

Akga B 28 Ocak 2012

27 OCAK 2012 KİLİYSA

Bir karagız alanla
Kar tübünde ne bardı
Bir el bardı,el bardı
Kar üsünü basgandı

Tas bolgandı oramla
Kar tolgandı üybaşla
Kaydadıla adamla
Nek çıkmayla oramga

Ayıb tüldü alanla
Adam boyu kar bardı
Adam çıksa oramga
Barır cerin tabmaydı

Akga B 27 Ocak 2012

KİLİYSA'LI KİLİYSA'BIZ

Elimi çaçılgan adamlarına:

Bir burhuda kalsak biz
Kiliysa'lı Kiliysa'bız
Bazı zatla carlıbız
Köl cürekle bek baybız

Taç kiymegen kralbız
Genaralda bolabız
Elden ozub dünyaga
Onov ete barabız

Çakırabız sizleni
Bolur künnü saklaybız
Uzatmagız künleni
Allıgızga karaybız

Kuvannıkbız kelsegiz
Kaçan bolsa keligiz
Kelalmayın kalsagız
Kuvanç bla caşagız

Akga B 27 Ocak 2012

 ·  · January 26 at 5:19pm · 

• You, armagan bulur, Ezel Teke, Soysal Yaşar and 27 others like this.
• • 

    Mehmet Korkmazoglu 

    Ah Akga ağbi, en ullu hatanı çaçılıp ketgenle etgenbiz, meni sabiylerim Karaçayça söleşgen ne zatdı bilmeyle, üretirge de küreşeme, alay da bolsa es bermeydile, Allah songubuznu hayırlı etsin...
    Sabiyle ascık ullurak bolsa atabız ne zatla c...See More

    January 26 at 5:40pm ·  ·  5
  • 

    Akga Bıçaksız Salam Mehmet karnaş.Algışıng bar müslüman,Karaçay Malkarnı üsüne bolsun.Savbol.Karaçay Malkar üsünden aytırım va oldu.Hiç biribiz til blada aded blada atalarıbıznı künündegi Karaçay Malkarlılıknı caşamaybız caşayalmabızda.Şükür özübüznü tas etmegenbiz.Sen tıngılı bol seni bu tıgalasıng bla iyenlerim seni allınga ozmasalada artda kalmazla SALAM

    January 26 at 6:36pm ·  ·  5
  • 

    Mehmet Korkmazoglu Alayküm salam Ağbi, Kuvanç künlede körüşeyik İnşallah...

    Friday at 2:00am ·  ·  1

AY MARCA SEN KIMILDA

Karuv salıb uruşdung
Küçüng cetmet tüşmanga
Atacurtdan kuvuldung
Çaçılgansa dünyaga

Ayıb tüldü cıgılgan
Cıgılıbda kıynalgan
Ayıb marab turadı
Sekirib da kobmasang

Atacurtnu unutub
Anda munda aylanma
Alay turma buyugub
Mingi Tav'nu cılatma

Ay marca sen kımılda
Catıb turma kob örge
Karab turat allınga
Mingi Tav'nu saklatma

Mingi Tav'suz Karaçay
Es cıyıbda caşamaz
Malkar bolmay Mingi Tav
Bir cukgada uşamaz
Akga B 26 Ocak 2012

ÖLMEDİNG SEN ÖLMEZSE

Halkımı adsız şeyit(şehit)lerine:

Halkla birit cüreging
Kesim deyda bilmeding
Namıs, töre köleging
Başha kiyim kiymeding

Tıngı tabmay üyüngde
Otga kirding halk üçün
Halkıng caşab kölüngde
Ottan tardıng köbüsün

Tayak tiymet carlınga
Kanat kerding sen anga
Suvuk cetmet halkınga
Buruv boldung allına

Bilebiz biz kertini
Carsıtma sen kesingi
Ak tutgansa betingi
Unutmadık biz seni

Ölmeding sen ölmezse
Ölmezse sen şeyitse
Halkga kara körürse
Halk türsünge kirgense

Akga B 25 Ocak 2012

CÜRÜRÜKBÜZ COLUNGDAN

Sımayıl Semenulu Emmime:

CÜRÜRÜKBÜZ COLUNGDAN
Kıyın colda cürüdüng
Töre bardı alıngdan
Künü keldi tüngüldüng
Namıs ketmet katıngdan

Künça tuvdung halkınga
Carık berding barına
Bulut keldi allınga
Küçü cetmet tıyarga

Söznü sözge begitting
Tavnu taşnı eritting
Söznü suvça köb etting
Kurgag cerni ceşertting

Sözüng boldu tınglattıng
Cırnı cırga uşattıng
Sözüng boldu cılattıng
Okça kirib kanattıng

Közlev(Şavdan) boldung içtile
Tengiz boldung cüzdüle
Seni süymey ösgenle
Ala bizden tüldüle

Tamır attık cangıdan
Karuvlubuz algadan
Cürürükmüz colungdan
Razı bol sen HALKINGDAN

Akga B 24 Ocak 2012

Телепередача Музафар Этчеев

Телепердача Музафар Этчеев

SÜTCA AKMIT OL BATI?

Kele kelib Irak'nı
Tebledile tüydüle
Birmiliyon adamnı
Öltürdüle kömdüle

Tuvganların tuvdugun
İçedile kanını
Kögüsttüle kuyrugun
Kaydat başı cılannı?

Sen koylaga uşasang
Koyça meleb makırsang
Börüsü bart dünyanı
Seni tabmay koyarmı?

Sütça akmıt ol batı?
Cokmut anı amanı?
Nek körmeyle alanı?
Nek ezmeyle başını?
Akga B 22 Ocak 2012

MEN BİLGEN DEB MUNGA AYTIRMA:)

MEN BİLGEN DEB MUNGA AYTIRMA:)
Bilesiz biz Karaçay Malkarlıla malçı millet bolganbız Maldan igi anglaganbız.Söz üçün:A, B tengine sorgat
_Tengim men anglayalmadım meni iynegim kısırmıdı buvazmıdı bir kara.B hayhayda karayık degent.İynekni tögereginde bir talay burulgant.Sora igi kesek tüşünüb ma bılay aytgant
_Allah hakına tüşünemeda naytırımıda bilalmayma tengim.Çangız bu iynek ajımsızda ya buvazdı ya da kısırdı

Akga Bıçaksız

SANGA CILAY TERMİLE (Ahya Bıçaksız'ga)

SAHGA CILAY TERMİLE (Ahya Bıçaksız'ga)

Ol teregi çegetni
Köbüt anı kögeti
Kögetleri baş edi
Carlı kelse aş edi

Taş atdıla urdula
Butakları sındıla
Kabukların soydula
Tamırların oydula

Kögetlerin tökdüle
Üçün beşin aldıla
Kalganları çürüyle
Tebleb üsün cürüyle

Aşar üçün kögetni
Köget bergen terekni
Kimle etdi nek etdi
Kurutdula terekni

Endi:
Kenge açıb eşikni
Kimle kirdi bilmeding
Cabıb kelgen terslikni
Arı karab körmeding

Can cartısı egeçle
Sayadıla künleni
Ontört cılga kirdile
Sanga cılay termile

Akga B 24 Ocak 2012

NURUNG HALKGA TİYMEYİN....

Meni örge karatgan
Künnü atın ayttırgan
Işıgıdı,nurudu
Künge mahdav saldırgan

Carık bolmay birzatnı
Burhusunda körmeyme
Kün carıgın iymese
Atın aytıb neteme

Künden ullu culduzla
Cerlerinde turalla
Bir kişida sagınmay
Atlarıda aytılmay

Culduz,kün'da bolsangda
Kök nurungdan tolsada
Nurung halkga tiymeyin
Ulluma deb mahdanma
Akga B 21 Ocak 2012

CÜREGİMDEN KÖLÜMDEN

Salam Camagat keligiz bukün Küzgü Mirror'nu üsünden söleşeyik (Türkiyada çıkgan Karaçay Malkar dergi) Çıgarganlanı tanımayma bilmeyme alay bolsada Allah aladan razı bolsun,savbosunla bay bolsunla.Sagışım alaydı üç tört kişini dıgalasıbıla çıgat.Keligiz bizda kol uzatayık Ete bilgen bir kampanya etsin,telefonla 5 kayma iyeyik.Bu dergige iye çıgayık dünyanı kalayında çaşasakda bu dergi biznit (bu cazuvnu Küzgü Mirror dan haparsız cazdım,tersligim bar ese keçsinle)

BARABIZ BİZ ÖLÜMGE (Üysüzlege)

Kayda bolsalada Allah üysüzleni cardımcısı bolsun



Ülüşüm bart dünyada
Menda ülüş izleyme
Köz allıngda tuvrangda
Men suvukdan öleme

Nek kelmeyme esinge
Otmu tüşgent sezginge
Men körgença körseng va
Naytır eding kesinge

Caşaysa sen ıylıkmay
Açga tokga karamay
Kayrı süyseng arı bar
Adamma deb kıçırmay

Barabız biz ölümge
Men termile,sen küle
Kiribiz biz kebinge
Sen termile,men küle

Akga B 20 Ocak 2012

BET CARIKLI BAR HAK'GA

Kalmagandı bu dünya

Ne carlıga,ne bayga

Keldilede ketdile

Cılay sarnay barıda

Hını hunu patçahla

Tavnu taşnı oydula

Acal kelgeng kündeva

Teng boldula carlıga

Paygambarla dagıda

Allah iydi onovga

Ömürleri tolduda

Ma kaytıla ALLAH'ga

Patcahlıkga suklanma

Paygambarlık cok sanga

Kulluk etib caşada

Bet carıklı bar HAK'ga

Akga B 18 Ocak 2012

SÜYGEN CÜREK ARUV KÖRET

SÜYGEN CÜREK ARUV KÖRET

Süygen cürek cıluv beret

Süygen cürek aruv köret

Aruv sense canım mölek

Başha aruv neme kerek

Cürek berib boyun bügüb

Kişi süymez meni kibik

Seni körüb cürek küyüb

Süydüm seni teli kibik

Seni körsem aruv mölek

Cürek süyet betim kület

Seni süyüb sanga küyüb

Canım ketet ömür bitet

Akga B 18 Ocak 2012

AYMUŞ ' NU COMAGI

Kilisadan Rahmetli AVBEKİR HOCA'DAN 
DERLENGENDI




                     AYMUŞ

Karaçay-Malkar Türkçesi ile

Sizge aytayım men Aymuş’nu bolgan comagın,
İgi tıngılagız comaklanı en omagın. 
Aymuş bolur edi bir talay caşnı kiçisi, 
Eterik işlerin saylab aldıla üçüsü. 
Alay aytayedi comaknı aythan haparçı, 
Ulluları malga avured buldu tuvarçı. 
Ekinçi Zomahay omaged aldı toyçuluk, 
Aymuş cengil edi, anga da kaldı koyçuluk.
Aymuş kütüyedi bir bay kişini malların, 
Sizge aytayım men başına kelgen halların.
Bir kün ısdavatha kele turuyed sürüvü, 
En artda bir kozu rahın malça cürüvü. 
Anası artına karab kozuga makırdı, 
Kesi tilibila anı katına çakırdı. 
Kozu anasına kulak beriyed mangırab, 
Aymuş kulak saldı alanı tilin angılab. 
Koy aytdı kozuga "Kele, kir artha kalasa,
Artha kala kelib börüge azık bolasa." 
Kozu dedi "Bu malnı ırıshısı belimden
Bashantda artık cürürge kelmeydi kolumdan."
Aymuş munu eştib kozuga belgi salganed,
Künü cetgeninde canına anı alganed. 
Künnen keçege malı köb bolub başladı,
Aymuş’nu caşavu algan halin taşladı. 
Köb barmay tögerekge sıyınmadı baylıgı,
Tübsüz Köl’nü katı boldu Aymuş’nu caylıgı.
Malı cayılayedi ol caylıklanı tolturub, 
Aymuş küteyedi ortalarına olturub. 
Sıbızgısını da soguyedi aruv taraltıb, 
Malı uzak ketmeyed sıbızgını bek caratıb.
Tersine ketgenni sıbızgı sogub tıyayed,
Catar cerlerine sıbızgı bla cıyayed. 
Koyları avsala sırtnı ol canı avuşha, 
Kaytıb keleyelle eştib sıbızgı tavuşha. 
Bir kün ol köl katında cıyılıb tura malları,
Kölden bir koçhar çıkdı, bek aruv sanları.
Altı müyüzlü bir aruv koçhar, çımmak ak,
Altı müyüzü da sapsarı, altın bek omak.
Kıngır çungurları kümüşden karasavutça,
Tükleri cim cim cıltırab altın tavukça. 
Kölden çıkganlay koylaga ileşib çaphaned,
Koyla ürkgenelle, Aymuş tuvaylab kophaned.
Izına kaçıb barıp koçhar kölge sekirdi, 
Endige deri caşagan kölüne kirdi. 
Aymuş’nu koyları koçharnı ızından kuyuldu,
Sıbızgısın sogub alları küçden tıyıldı. 
Aymuş’nu koçharga mardasız közü karadı,
Kelib koylarına koşulurmed dep maradı.
Tuvaylay bilmegen bir sürüvçü caş izledi,
Elinde bir caşnı calçı tutarga sözledi. 
Sürüvüne süvedi ol caşnı keltirib, 
Kalay eterigin aruv üvretdi olturub. 
Koylarını cıyıb caşha amanat etgened, 
Kesi da arlakda koşuna aylana ketgened.
Calçı küteyedi örge süvelib olturmay, 
Kölden biyagı koçhar çıkganed köp turmay.
Çıkganı kibik da çabıb koylaga cetgened,
Koyla ürkgenelle calçı da tavuş etgened.
Izına kaçıb barıp koçhar kölge sekirdi, 
Yaratıldığından beri yaşadığı evine girdi.
Koçharnı ızından koyla başların atdıla,
Tıyama deb çaphan calçını tepleb ketdile.
Sıbızgı bilmeyed Aymuş’ça sogub tıyarga,
Birda bolalmadı seyirge karab koyarga. 
Koylanı cıyarga calçını küçü cetmedi, 
Ne bek küreşse da çırtda karuv etmedi.
Eng artda bir aksak toklunu tutub tıyaldı,
Aymuş kelgeninde cerge kirirley üyaldı.
Tili tutulub caş söleşalmay kalganed, 
Aymuş toklusun caşnı kolundan alganed.
Alganı kibik da kötürüb kölge athaned, 
Kesi da artından kölge sekirib ketgened.
Aymuş da malı da ol ullu kölge taşaydı,
Ol künden beri Aymuş ol kölde caşaydı.
Anı körmegença avruv, talav da körmeyik,
Bıllay bolamzlık işlege iynan bermeyik. 
Ebubekir ÇEKEN (Gökçeyayla, 1996)HOCADAN kızı derlegent