ANDAN MUNDAN KİLİYSA'DAN

Künge kara kaydadı
Tav artında batadı
Karaçaylı kızlaga 
Seyir bola catadı

Ay erteden tuvgandı
Cerge cabuv caygandı
Malkardagı kızladan
Ülgü ala turadı

Mingi Tavnu buzları
Kökge oyuv çaçadı
Tavnu Tavlu kızları
Möleklege uşaydı

Kiliysanı kızları
Çınaçıkda koşdadı
İngirala toy bardı
Caşları va kaydadı

Akga B 17 Şubat 2012

ERTDE SABİY OYUNLA

Algın ertde sabiyle
Oynay edik üy etib
Konak bolub kelsele
Arbazlada toy etib

Gagarakdan koy etib
Küte edik sürüvnü
Kıngır taşdan it etib
Kuva edik börünü

Oramlada it cabıb
Eskermeseng bek kabıb
Çeleklege süt savub
Oynay edik kuvanıb

Endi tuvgan sabiyle
Anasından caş tuvat
Sabiyligi tas bolat
Caşamayın kart bolat

Akga B 18 Şubat 2012

KARIŞMASIN ADAMLA..!

Suvga suvuk cetgenley
Katıb buzlab kalalla
Buzla künnü körgenley
Erib suvga kaytalla

Buzla barı suv bolsa
Kalay bolur bu dünya
Buzda kerek dünyaga
Buzla buzlay tursunla

Harkim kesin caratıb
Küreşelle can atıb
Suvnu allın tohtatıb
Buz üsüne tuz atıb

Kişi buznu buzmasın
Küreşib da turmasın
Suvnu allın tıymasın
Suv tübünde kalmasın

Karışmasın adamla
Buzla buzlay kalsınla
Suvla suvlay aksınla
Barır cerin tabsınla
Akga B 19 Şubat 2012

TRENGEMİ KARARIKBIZ!!!???

Sürgün süyelet tuvrama
Darua kelet aklıma
Colda suvukdan katalla
Açlıkdan ölüb baralla

Kuru gırcınnı tabamayın
Cılı orunda catmayın
Ayak tübünde kalalla
Suvga atalla başların

Alay bolmasın Alanla
Kaynayt kazança Suriye
Malkar Karaçay bizlege
Hapar iyelle kelirge

Kol uzatırga kerekbiz
Karnaş egeçbiz barıbız
Kobub birzatmı eterikbiz
Trengemi kararıkbız???????
Akga B 20 Şubat 2012

KAYSI BETLE BARRIKSA...!!!??

Minib baylık sırtına
Carık harib tüyese
Birzat bilib kesingi
Arı beri türtese

Afrikada carlıla
Alagada bir kara
Kulak berde bir tıngla
Naytat ala ma sanga

Ülüşlerin urlaysa
Rahat catıb cuklaysa
Naytırıksa ahratda
Sanga soruv sorsala

Cönger etib şaytannı
Otga attıng suvabnı
Tokmat etib günahnı
Başın ezding carlını

Sagış etda ayt manga
Beting kalmat etingde
Tamla Allah katına
Kaysı betle barrıksa

Akga B 21 Şubat 2012

KESİ SALSIN KABIRGA...!

Ölür avruv tabganma
Darman bolmay carama
Kölüm suvlay cukarıb
Ölüb ketib barama

Hucu kallık avruvga
Küç cetmeydi neteyim
Kesim cangız kabırga
Korkmay kalay kireyim

Cıyılganla tohturla
Eter madar tabmayla
Söz kalmayın aytırga
Manga mudah karayla

Töşek cıymay catsamda
Men ölümden korkmayma
Aliy bolmay katımda
Kayrı ketib barama

Aliy'imi sözleri
Esimdedi közleri
Mensiz kalık künleri
Aliyime külürmü

Aytıgızda kelmesin
Meni bılay körmesin
Cüregine kölüne
Menden avruv cetmesin

Aliy meni körmeyin
Men Aliyni köralsam
Alay cengil ölmezim
Men Aliyge toyalsam

Kobalmasam orundan
Aliy tutsun kolumdan
Men ketgenley cukuga
Kesi salsın kabırga
Akga B 23 Şubat 2012

UŞATTIMDA CIR ETTİM

Oy neteyim tenglerim
Süymeyt meni süygenim
Eştilmeydi tilegim
Küyüb barat cüregim

Ceti cılnı küreştim
Ceti tilni ürendim
Ceti tilde til töktüm
Nek eştmeydi süygenim

Kökde carık culduzga
Örge ertib teng ettim
Cerde gogga hanslaga
Uşattımda cır ettim

Cüregimde üy ettim
Eşiklerin keng ettim
Süymeklikle töşettim
Nek kirmeydi süygenim

Süyülmedim bek süydüm
Süye süye eriktim
Süyülmezça ne ettim
Nek kelmeydi süygenim

Akga B 24 Şubat 2012

İGİME DE SORSALA

Tirev tabda abınma
Abıngannı em alga
Cuvukları uralla
Artlarını buralla

Abınsangda cılama
Seyirsinib kararla
Bediş sözle aytırla
Külüb külüb kaytırla

İgi kattır kesingi
Seni adam bilsinle
Cıgılsangda bildirme
Elni sanga küldürme

Ölür kününg cetseda
İgşme de sorsala
Ölürüngü bilsele
Sanga canmı sallıkla

Akga B 25 Şubat 2012

TÜBBE TÜZÜN AYTAMA..!

Ma endigi adamla 
Birbirlerin satalla
Gırcınların tımların
Adam kandan cıyalla

Tavurları horozça
Caşavları tavukça
Zamansızlay kıçıra
Ne tabsala aşayla

Vo endigi adamla
Miyik üyde caşayla
Ata ana süymeyin
Töbe üyge atalla

Carlıbız deb cılayla
Konak kelse bugalla
Oltursala supraga
On kişilik aşayla

Akılları bir karış
Sözlerinde cok algış
Etalmayla tüz sagış
Bilgenleri heb bediş

Süymeklikle cav bolub
Kuvadıla uzakga
Tüyüş bla şoh bolub
Çakıralla konakga

Kelmegenle aklınga
Kelet endi başınga
Tübbe tüzün aytama
Bir sözçükda koşmayma
Akga B 27 Şubat 2012

KÖLÇÜK ATLI SÜYGENİM...!

Kölçük atlı süygenim
Nek mudahsa külmeyin
Salam berib kelgenim
Tansıklayda bilmeding

Sürüvlering itlering
Tavuşları çıkmaydı
Tıyılmavçu suvlarıng
Endi neçik akmaydı

Oyulgandı koşlarıng
Kartmı bolub başladıng
Boş kalmavçu tüzlering
Nek şoşdula bıllay kün

Senda kaldıng menleyin
Bet türsününg külmeyin
Sen süvüvçü tenglering
Eşigingden kirmeyin

Endi menme nögering
Açal meni ertginçin
Cöngerligim bitmeyin
Seni koyub ketmeyin
Akga B 12 Şubat 2012

SEN KAYDASA MARHAMAT...??

Birev tokdan karılat
Birev açdan bayılat
Sözde birça çaçılat
Ongsuz, adam sanalmayt

Ay marhamat marhamat
Adam kanı tohtamay
Örge kobta bircuk ayt
Cıldan cılga köb kanayt

İşde küşde camagat
Halal haram ayırmayt
Biyle alat baş ülüş
Carlıgava cuk kalmayt

Azab cetet aşıga
Onsuz başın aşarga
Uyat kaçat taşaga
Oynay küle ışara

Caşav endi buzulgant
Bergenleri azalgant
Orta direk cıgılgant
Carlı üyü kurugant

Sen kaydasa marhamat
Bukgan sanga caraşmayt
Sen bolmayın camagat
Tüz collanı tabalmayt
Akga B 26 Şubat 2012

CAŞAV MİNG CIL BOLSADA...

Kalay aruvt sallarıng
Senden aruv körmedim
Sense meni süygenim
Cüregimde mölegim

Kökde culduz közlering
Tolgan ayçat türsününg
Süymeklikni berirge
Çıgalmayma men örge

Kökge kalay ceteyim
Nek turasa enmeyim
Men caşab va neteyim
Seni biyçem etmeyin

Senden başha süyalmam
Dünya manga kalsada
Sanga karab toyalmam
Caşav ming cıl bolsada
Akga B 14 Şubat 2012

NEZAT BERDİNG AYT MANGA ?

Calan dünya oy dünya
Nezat berding ayt manga
Tögerekge karayma
Carar cukda tabmayma

Nedi manga etgening
Birzatlava bergening
On mislini ödetting
Caşavumu tar etding

Kökde kuşga uşayim
Tartıb cerge bulgadıng
Tolu cılla caşayim
Cuk koymayın urladıng

Kuvanç bla ösgenim
Ne körrükme bilmeyin
Acal terle tökdürdüng
Acal manga cetginçin

Atam catat koynungda
Karnaş ana onggunda
Harib etting songunda
Cangız koydung columda

Tohdamayın urlaysa
Kalganlanı algansa
Bir canımı koygansa
Anı bayrım kızganma
Akga B 14 Şubat 2012

‎3 (ÜÇ) TELİ

‎3 (ÜÇ) TELİ
Ekit bizni telibiz
Suratların körügüz
Aferimle berigiz
Eskertmeyin külügüz

İzlemegiz bermebiz
Ala ketse neterbiz
Ala cetmey,elibiz
Tış eldenda alganbız

Kar tıymaydı alanı
Zıncır cokdu tıyarga
Oyarıkça kalanı
Çıkgandıla tuvraga

Eki ile üç bolub
Sırtga çıgıb bardıla
Bara barıb çançılıb
Kar tübünde kaldıla

Hoylu birge cıyılıb
Kar tübünden sıyırdık
Motor bla tarttırıb
El içine cıyıldık

Surat salıb turalla
Bir karagız alaga
Teligemi uşayla
Akıldanmı cardıla
Akga B 13 Şubat 2012

NÖGERLİGİM CETMEYDİ..

Oy nasıbsız cöngerim
Eçki iynat etedi
Allın karab körmeyin
Carga tüşüb ketedi

Başın taşga tireydi
Katılıgın süyedi
Koçgar başça uruşub
Başın eki böledi

Harsnı hızlı ursala
Toy etib da terbeydi
Tüz tartuvnu soksala
Abezekge tebseydi

Aytılgannı anglamay
Karuvunu bilalmay
Maka bolub köbedi
Köbse çatlab öledi

Nögerligim cetmeydi
Süymekligim ketmeydi
Bir madar va tabmasam
Kölüm rahat etmeydi

Siz aytıgız tenglerim
Endi men va neteyim
Anga cırmı eteyim
Acalsızmı keteyim
Akga B 12 Şubat 2012

KUVANÇ BLA CAŞAGIZ..

Algın ertde zamanda
Tış Kralga barganga
Aytgandıla ma kartla
Nek baralla gavurga

Caşav kalmay algınça
Dünya bolgangt bek gitçe
Kalaygada barırça
Nezatnıda alırça

Üyge kirib turganla
Nasıb kelmeyt ayakga
Barır kerek uzakga
Allah bermeyt bir cukda

Uzak cerge barganla
Nasıb izleb tabganla
Cokdu anı günahı
Bolluk bolur suvabı

Kalaygada barıgız
Nasıb izleb tabıgız
Halkıgıznı unutmay
Kuvanç bla caşagız
Akga B 11 Şubat 2012

KİLİYSA (HIDIR ELLEZ)

1980 lege deri har cıl etile edi Erdengide elde bir tamada koluna uzun bir sırık alıb üy üy aylana edi Har üy para,kölek havlu çebgenlik.....degença birzat bere edi


Kün örge çıgarga sırtbaşına cıyılıv başlay edi Tögerek elden kelgenlele birgeley
adam sangı mingden aslam bola boluredi Atla çabışsa birinçi,ekinçi üçünçü kelgenlege elden cıyılgan zatladan savga berile edi Cıllarına köre sabiy caş kavum kartla ayrı ayrı cıgışıb çabışganga koşula edi
Kol taş atılgan sekirişgen carışlada bolub kazanganlaga savga berile edi

Söznü kısgası ullu gitçe harkim birzatga boluşa edi
Ekindi zamanga kartla çaçılsa caş kavum ingirge tere sırta oyun oynab keçede toy etile edi
Sizni anglarıgıgız kitçe bir Olimpiyat carışıça bola edi Külmesegiz birzat koşarrıkma:))Manga bütev dünya sırtbaşına cıyılgança kalabalık körüne edi
El çaçılganinde tarih bolduda kaldı

HAYDA İZLE TAB MENİ...

Aruvlukla aytılıb
Cerge tüşmey ösgening
Bek köbleni termiltib
Tebleb ozub ketgening

Canglış cerge ketting sen
Eşigingi cabdıng sen
Tüznü tersni bilmeyin
Otga kirib ketting sen

Örge tutub burnungu
Kayrı ketting tersine
Kesing kazıb huyunu
Tüşüb ketting içine

Aruvlugung ketgendi
Neterikse ayt endi
Burnung bir bek sarkgandı
Burun suvnu tart endi

Seni bek köb süygenim
Keleçile iygenim
Tiley tiley bezgenim
Tursunmayın ketgening

Dünya ullu bek kengdi
Arı beri çab endi
Hayda izle tab meni
Cüregimi car endi
Akga B 10 Şubat 2012

KİLİYSA (Caylık caşav)

Akga Bıçaksız

Kiliysa tögerek ellede em miyik cerge ornalgant Başh elden suv kelib Kiliysa'nı cerine kirir madarı cokdu.Cerini aslamı tadu alay bolsada ululu gitceli talala köbdü Ayırla bla Kölçük canı deb ekige bölünüb har cıl bir canga koşga barıla edi

El çaçılgınçın koşlada adam sanı el içinden aslam boluvçu edi

Kölçük'de Alışlı'nıda koşsak 8-10 cerde ıstavatla bar edile.Har ıstavaddada bir talay koş boluvçu edi Kölçük Çeçme degen cerde 33 (Bu sagatda elde 29 üy bart Adam sanı kuru 59 du) koş bolganın bileme.Kalgan ıstavatladada 5 le 15 arasında bola edi Har ıstavat tuvarın közüvge salıb küte edi Ençi kesi kütgenlede bar edile Uvak ayaklı sürüvda bek köb edi Malı az bogan köb bolganga koşula bara edi

Kündüz boş zaman köb bolub cetgen kız çaş cılıb hapar aytıb tereklege uçgalagla kurub uça edile Aşhamda iş bitgelley şıngartla cagılıb keçge teri toy etilgen keçele bola edi Oyunlada oynala edi Uzun kız deb bir oyun bar edi bigen bar ese
Anı sefda koşda oynalıb körgenim men Bek seyirsingenim sabiylikle Cetgeh kıznı kolların başına tik uzatıb uçunada adam bet ete idile Alamat uzun bir adam türsünge kire edi Kolundan tutub koş koş aylana edile Arın netgenleri aklımda kalmagant Bilgen bar ese cazsın

Hıdır Ellezden (6 Mayıs) alga koşga çıgılıb cer boşlangınçın deri turula edi Andan sora kimi elge ene edi kimi da Kaçgı koş deb başha bir cerge kete edi

İsmail Semenov'un kendi sesinden "Mingi Tav" - Cırçı İsmail'ni Kesi Tavu...

İsmail Semenov'un Kendi Sesinden "Aktamak" - Cırçı Smayılnı Kesi Tavuşun...

TOPAL BOLGANT CAMAGAT

Esirikle amanla
Türtgendile carlını
Olturgandı cılaydı
Tabmay kobar amalnı

Hak berüvçü adamla
Eştib anı çabdılla
Hurcunların kakdıla
Kesin carga attıla

Kral eştib haparnı
Kıçırıknı basadı
Kral iygen adamla
Ters cerlege çabadı

Topal bolgant camagat
Kelalmaydı coldadı
Avruv tiyib marhamat
Sıltav etib catadı

Karuv tabıb kobalmay
Ol carlıva saklaydı
Ne bolganın anglamay
Canı çıgıb kaladı

Har kaydada amanlık
Adamlıknı kuvadı
Kuvulmasa adamlık
Sıltav tabıb bugadı

Akga B 08 Şubat 2012

TENGİZÇADI ADAMLA..!

Birça turmayt tengizle

Birkün aruv bolalla

Birkün tolkun tolalla

Kemileni cutalla

Tübde kalat cigitlik

Tengiz örge kobganlay

Artda kalat tirilik

Tengiz kızıb cabganlay

Tengizçadı adamla

Bazı tınglab turalla

Bazı hını bolalla

Kızıb cardan kuyalla

Tınglab turgan adamdan

Saysınmayın kıçırsang

Kan alırla burnungdan

Bolursa sen canıngdan

AKGA B 08 Şubat 2012

KİLİYSA (Ketellik)

Elden çıgıb 1km künbatganga barsang Ketellik'ge enese El çaçılgınçı ogarısı gordoş baçhala töbeni saban bola edi Baş canı Karangıdere'ge baylanat az engişgeden Çınaçıkkulak'ga kirese Çınaçık'ga deri 7 suv tirmen bolgant Men 1970-1975 cıllada 3 ün çalışb bileme Art ala barıda koyuldu oyuldu
Ketellik'ni bşından Kiliysa Kulak ayagına deri gordoş baçhala bouvçu edi.150 üyge teng üleşilgent.Gordoş Hıdırellez (6 Mayıs)ni al künlerinde toprakga salına edi Eki kere çaga etilib Kasım künlede toprakdan alınıvçanit Çana zamanda honşula birbirine boluşub sıra bla bara edile Ketellik özen adamdan tolub kala edi Çagada avurluk cetgen kızlada bola edi Bazıkün bir baçhada on tişıruv çalışa edi Künortada honşula çakırılıb supra kurulsa 20-25 adam bolganın bileme
Meni em bek hoşuma ketgen zamanı kazılgan zaman edi Ol sagatda ullu gidce sabiy çaş harkimge bir iş tabıla edi Suvda gordoş bişirilib Gıbıt ayranla birge tögerek basınıb aşay edik Gin tuz bolamı edi anı bilmeyme Dünyada Gıbıt ayrandan tatuvlu cuk bolmaz anı igi bileme
Kiliysa'nı kızıl gardoşuna baga biçilmeyit 1975 leden sora azdan az bola artı bolda kaldı Endi elde adamda cok gordoşda cok.

• Ramazan Şancı çayırda gordoş bolmaymıdı etgenmi cokdu

  11 hours ago · 
• 

  Bayram Okşaş men uvağırak bolub iymeyelle da, keçeleri tongguz saklayelle da baçğalanı kazıb ketmesin dep közüm karab kalğanın hatırlayma

  11 hours ago · 
• 

  Ramazan Şancı menide bardı sabiylik anılarım dedemitirmeninde ulak kütüyedim osagatlanı hatırlagança boldum sav boluguz

  11 hours ago ·  ·  1
• 

  Ismail Yilmaz teyri aggadayı sen :) kızıl gardoşla gıbıt ayranga beg tansıg bolgansa

KİLİYSA:(1)

Tuvgan,caşagan elimdi.Mahdasamda ceridi.Önge niyetim ol tüldü.Eski,cangı caşavun cazarıkma.Boluda birkün Karaçay Malkar tarihinde,edebiyatında orun tabar,bircukga tirev bolur
Kiliysa elimi Karaçay Malkarça atıdı.1905 de kuralganinde atı Orhaniye Kestanelik bogant Sora Gökçeyayla deb aytılıb terbegent Bıla kralnı bergen atlarıdıla
Türkiyada Karaçay Malkar elleni cerin bilmegenlege aytırım oldu.Kiliysa,Doğlat,Agasar Cazılı (Yazılıkaya) cürülüb barılırça birbirlerine cuvukdula.Kiliysa'dan bu elleni kaysınada bir_eki sagatga cürüb barallıksa Doğlat'dan Cazılı'ga barır üçün Kiliysa'nı üsü bla ozarga kerekse
Bukün al cazarıgımı başlıgın salayık KETELLİK 'Gordoş baçhala' Kalamnı bek arıtmayık artın tamla cazarbız:))

ALLAH SAKLASIN ENDİ AMANDAN

Künnü tuvrası cılı künbetni
Barıb aylandım tabdım nazmunu
Çeget içinde aruv talanı
Kirib içine cazdım cazuvnu

Tavnu künbeti meni cılatıb
Sürgün künleni kıyının aytdı
Çegetni buşuvu allımı tıyıb
Sürgün haparnı aytıb cılatdı

Allah saklasın endi amandan
Kıyıllık salıb ozgan zamandan
Halkım kuvansın alda cılladan
Nasıbı tolub kuvanç caşavdan

Salamım bardı sizge tavladan
Kıyın künlede halkga caragan
Kuçagın açıb konakga saygan
Uyası bolub zavukluk çaçgan

Akga B 07 Şubat 2012

SENDA CARA BİR CUKGA

SENDA CARA BİR CUKGA


Kim bardıda örgege
Ölmeyinmi kaldı ol
Harkim ketet ölümge
Caşavunga razı bol

Ogay canım kımılda
Artı ölüm bolsada
Canıng sanıng kıynalmay
Cuk tabmazsa alıngda

Kim tüzeltgent dünyanı
Barganıça barma koy
Cunçub turma rahat bol
Kallay barsa barsın koy

Kelmegense dünyaga
Catıb cuklab tururga
Harkim etet birzatla
Senda cara bir cukga

Kral bla tengmise
Sen bir carlı haribse
Teng bolsala bolma koy
Bolmagannı kengde koy

Kral bolub tuvsangda
Kıyın kerek caşavga
İşden kaçıb buksang va
Caraşmaydı adamga


Akga B 6 Ocak 2012