ADAMLIK MENDE KALSIN

Kelmegemme dünyaga

Tirek bolub kalırga

Küreşmedim adamla

Anga huyu kazarga

Sagış ettim kesime

Tört törtlükda tüyülme

İzlemeyim eleyse

Cöngerlede terslikle

İgi bilib harkimni

Biri terslik etgende

Alga türtdüm kesimi

Terslik izleb kesimde

Bazı adam bilalmay

Terslik etet adamga

Bazı adam uyalmay

Süyet adam kıynarga

Birinçiden bolsam men

Şo keçigiz siz meni (Teng etigiz siz meni)

Ekinçiden bolsam men

Tüb etigiz siz meni (Keng etigiz siz meni)

Akga B 15 Ocak 2012

Koydum sanga harzatnı ,kögüst adamlıngı

KEŞKİ SENİ ATANGDA SAV BOLGUYET

KEŞKİ SENİ ATANGDA SAV BOLGUYÜT


A. bla atası eki teng cöngerça yille Olturur ekitengça uşaknı bardırır birgeley iş eterille Bazı atası A.ga sabiyge kızgança kızarit
A. nı birkün Türklü konagı keldi Andan munda hapar aytıla keltda,konak A.ga,atangı ol kızganı bolmasa bek igi adamdı dedi.A sordu:
_Seni atang savmudu.Konak:
_Ogay avuşgandı A.dan koşaksız,omaksız bir söz:
_KEŞKİ SENİ ATANGDA SAV BOLGUYÜTDA,KIZGAN OGAY HERKÜN BİR TÜYGÜYÜT..!?

COMAK

COMAK


Aytuv bu at,börü tülkü cönger bolganla.Birkün aşarıkları bitet,tögerekde cuk tabmayla.Alay onov etele,üçübüz birden ölkenden ese en gitçebizni öltüreyikde aşayık
Cılların ayta başlayla.Börü
_Meni anam alay ayta edi.Caşım sen dünya caratılgan kün tuvganing.Tülkü
_Meni anamda alay ayta edi Dünya sen tuvgandan 100 cıl sora caratıldı.At:
_Alanla meni tuvgan künüm art ayagımı tübündedi Birigiz okuguzda heb birgeley üreneyik Tülkü men okuy bilmeyme deyt Börü anam manga okurga üretgenedi költür men okuyum deyt
Atnı ayagına karaganı bla birge tabannı aşaytda oysurayt Tülkü kaçıb barırmış
_Manga okuv üretmegen anama kurban bolayım

ÇOBAN!

ÇOBAN!


Ertde ertde bek ertde.Men deyim bizni elde,siz aytıgız bizni elde bir tuvar çoban bolgant
Bu çoban birkün katınlaga öpgeleb azık almay ketgent tuvarlaga.Karay karay artına,kelgen ketgen barmıt manga aruv aytırga deb.Alaya allay zat bolmagant
Künortada elden kelgen bir adamnı ozgant allına.Elden hapar sorurga
_Alan katınla neteyille,bir hapar aytsanga.Adam haparlı bolur edi
_Sorma karnaş.Tobukların tüyüb cılay edile.Çoban azık almay ketdi deb''aldan kaçgandı.Çobannı kölü kengerib bılay aytgandı
_Da aynı ahırında açhamıda almay koyayımda;cürekleri ekige bir carılsın

AVAZ..!

AVAZ..!


Kün issi mejgit kalabalık,hoca avaz beredi.Herkes cukuga cengilgent.A. hocanı betine katıb,cılamukların tögüb cılayt.Namaz bitib camagat çaçıla terbegeninde,hoca A.nı çakırıb harkim cukladı sen igi tıngladıng,sanga bir kesek daha avaz eteyim deyt.A.nı aytganı bılayt:
_Hoca seni tınglaganda,anglaganda etmedim.Sakalıngı kaltıraganı tas erkeçimi esime saldı.Men anı üçün cılayim

TEK KORKUVUM ALLAH'DANT

Moskova'da Malkarlı kartlaga salam


TEK KORKUVUM ALLAH'DANT


Sagışım bart,açım bart
Cürek tınglab koyalmayt
Senden allık hakkım bart
Sözüm sanga baralmayt

Kral HAK'nı tabalmayt
Sokurt közü köralmayt
Biri bardı uyalmayt
Aytır sözün bilalmayt

Cangan otga gaz kuyat
Cara açık tuz basat
Ayü körse keng kaçat
Ayü ketse ız kuvat

Caşavung tar aklıng zar
Uvçu bolsang kim korkar
Otnu tıksang ne canar
Allahım bart hakkım bart
Tek korkuvum ALLAH'dant
Akga B 13 Ocak 2012

14 CILNI SAGIŞI

14 CILNI SAGIŞI
Sabiylering cılasa
Canıng avruyt alaga
Sabiylering urlansa
Bir ayt kalay bolursa?

Urlandıla balala
Cıladıla anala
Kızla ketdi kartlaga
Madar kalmay caşarga

Men aytayım kesegin
Bir milyonda koşsagız
Cıyalmazsız bütevün
Caşab anı körmeyin

Ayta turuv haparın
Çıdamaydı cüregim
Caşasam va bir künün
Acalsızlay ölürüm

Kişi külmey betinge
Azab minib üsünge
Ontört cılnı bir turçun
Kengden karab üyünge

Ontört cılnı sürgünde
Keçe ble künlede
Tıngı bolmay cürekde
Caşadıla cer cerde

Cılamukdan atangı
Körünmeydi közleri
Cerin tabmay sözleri
Erib barat cüregi

Sabiyleda öldüle
Gudu debda tüyüle
Dünya Alem kördüle
Nek boladı demelle

Bolur edi igile
Sanga cardın etgenle
Ala sanga bergenni
Seni taba iymelle

Mingi Tav'nu unutmay
Anag mudah boladı
Senden hapar alalmay
Haman cılab turadı

Tas boldula sabiyle
Ana ata tabmayın
Termildile anala
Keçe kündüz catmayın

Ayta turda haparın
Sabiylering anglasın
Unutub va koymasın
Katı tutsun tamlasın

Tav çıdamdan çıdadı
Seni üçün kartatang
Cılamukla caşadı
Sen öserge kartanang

Seni bılay kıynagan
Bıksın,bezsin canından
Sanga karab kuvangan
Avrub ölsün talavdan
Akga B 12 Ocak 2012

ANALAGA,ANAMA.

ANALAGA,ANAMA...

Kün'nü ay'nı bersele.

Ana cerin tolturmaz.

Sav tilleni cıysala.

Ana sözge teng bolmaz.

Caşay turgan sav anam.

Savluk bla tur anam.

Anam anam oy anam.

Nur içinde cat anam.

Keçe bla kününgde.

Cuku kirmet közünge.

Avur boldu cügüngde.

Nur eksilmet betingde.

Köb kıynaldıng kesingde.

Meni adam eterge.

Nezat etsem endi men

Ceter edim kölünge.

Akga B 14 Ocak 2012

KERTİ ESE BİLEYİM

KERTİ ESE BİLEYİM

Tas bolganma bılayda.

Kel berida tab meni.

Meni bılay termiltme.

Kengde turma süy meni.

Termiltme oy termiltme.

Cüregimi eritme.

Bir sözleda eşteme.

Kertidi bilmeyme.

Kertimit oy kertimit.

Meni elça körese

Ol sözleva senimit.

Başha caşmı süyese?

Kerti ese bileyim.

Süymeyiseng neteyim

Kuvanç tiley keteyim

Başha kızla süyeyim

Akga B 10 Ocak 2012

MEN CARLI VA NETEME?

MEN CARLI VA NETEME?

Mıllık atıb ol bayla.

Tolturalla hurcunga.

Bir burhuda koymayla.

Karab turgan carlıga.

Anda munda carlıla.

Kalay caşab baralla.

Baynı birkün kabganın

Bir cıldada tabmayla.

Köz açganlay carlıla.

Üyü kuruyt baylanı.

Bir madarla taballa.

Cuklatalla carlını.

Cuk aytmagız alanla

Uyalmasın ol bayla.

Tavuş etmey barıgız.

Uyanmasın carlıla.

Biri saylab aşaydı

Biri başın kaşıydı.

Carlı bayda öldüle.

Kaydam endi netelle.

Birev katın keltire.

Birev atın öltüre

Men carlı va neteme?

Kereksizge söleşe

Akga B 09 Ocak 2012

KIZLA KALSIN DÜNYADA.....!

KIZLA KALSIN DÜNYADA.....!

Oy comakla comakla.

Anda köbtü omakla.

Caşav alayt comakda

Kaysın süyseng kuçakla.

Cıyılıgız oy caşla

Biz keteyik comakga.

Kızla kalsın dünyada.

Ak atlını saklarga

Taş Makaga tiyerbiz

Omak kızla eterbiz.

Ak atlaga minerbiz.

Kalaygada ceterbiz.

Kıynalmagız oy kızla

Bek madarsız kalsagız.

Erinsekda birazda.

Sizge konak kelrbiz

DAVLAŞMAGIZ ALANLA.

DAVLAŞMAGIZ ALANLA.

Karnaş süyet halkını.
Halkıt anı sagışı.
Aytat sanga barını.
Kaydat munu canglışı.

Kengden karab turmada.
Nezat aytat bir angla.
Haman örge kobmada.
Kallay aytat bir tıngla.

Örge turub allına.
Tersdi debda turasa.
Azab salıb canına.
Karnaşıngı kıynaysa

Aytganlarıng alamat.
Davlaşsangva caramayt.
Tabı bla aytmasang.
Kişi seni anglamayt.

Sözüng bolsa aytıllık.
Halkga berseng cararık.
Ençi aytda tınglayık.
Tınglayıkda anglayık

ENDİ...

Karnaş bla davlaşgan.
Birbiringe uruşgan.
Kalat hakkın alallmay.
Bir adımda atalmay.

Har milletda koşadı.
Kaysı tüzdü;anglada.
Bir ayt hayda mangada.
Nek kalama men artda.

Harkim etse tüzdüda.
Biz etsekmi ters bolat?
Ana tilim, tarihim
Andan artga nek turat?
Akga B 06 Ocak 2012

ÇOBAN BOLUB AYTSANGDA.

ÇOBAN BOLUB AYTSANGDA.


Aman söznü karuvu.
Sanga kaytat avruvu
Bargan cerde tohdavu.
Kıyın bolat caşavu.

Kınab turma kesingi.
Kıngır bolat baruvu
Kara etet betingi.
Anı bergen tılpıvu

Alim bolub aytsangda.
Bargan cerin tutmaydı.
Arı beri atsangda.
Kerti üsün cabmaydı.

Aruv söznü aytuvu.
Tübbe tüzdü baruvu
Cşav beret cılıvu
Örge ertet tılpıvu.

Çoban bolub aytsangda
Kurub kalmayt tamırı.
Tavlu bolub tabsangda.
Sanga carayt ahırı.

Aruv söznü aytganlay.
Adam süyet can beret
Aman söznü aytganlay.
Adam kület köl ölet
Akga B 04 Ocak 2012

BURUV BOLMA SÖZÜME

BURUV BOLMA SÖZÜME


Bilib birin kıynasam.
Taşla tüşsün üsüme.
Tüznü bilib aytmasam.
Tavla köçsün üyüme.

Ters sözümden kaytmasam.
Avruv kirsin kanıma.
Tüz sözümden callasam.
Talav tiysin canıma.

Arsızlıgım bar ese.
Karamagız betime.
Aytganlarım ters ese.
Es bölmegiz sözüme.

Buruv bolma sözüme.
Tüz cerlege iyeme.
Tartıb turma tersine.
Barır barrık cerine.
Akga B 05 Ocak 2012

BİZNİ ELNİ CAŞAVU.

BİZNİ ELNİ CAŞAVU.


Tuban kelet basınıb.
Artı cangur bolurmu?
Cerge tübeyt aşıgıb.
Cerge karuv tolurmu?

Cer cangurdan toysava.
Baylık kelet toprakga.
Toprak alay kuvansa.
Carık bolat adamga.

Toprak bla adamla.
Birge caşab baralla.
Öşün berib cıgışa.
Bet betgeda tavlaşa

Bizni elni caşavu.
Toprakdandı aşavu.
Toprak comart bolsava
Kalmayt adam carsuvu
Akga B 05 Ocak 2012

SANGA İYGEN SÖZLERİM...

SANGA İYGEN SÖZLERİM...

Sen bolmayın sallarım.

Aytganımı etmeyle.

Boş karagan közlerim.

Başga cukda körmeyle.

Sen bolmagan keçele.

Manga cuku bermeyle.

Senden uzak künlerim.

Carımayla külmeyle.

Sen bolmayın tüşlerim.

Kelgen ketgen bilmeyle

Karab kişi körmeyle.

Manga salam bermeyle.

Sanga iygen sözlerim.

Seni izleb tabmayla.

Sanga ketgen cüregim

Nek ızına kaytmaydı

Akga B 03 Ocak 2012

AMMA BLA CAŞCIK (Sabiylege)

AMMA BLA CAŞCIK (Sabiylege)
Çıçhan kirdi kabçıkga.
Amma çabtı urçukga.
İş tüşgendi caşcıkga.
Tayak bla ururga.

Kayda kaldı kişuvçuk.
Cuklaymıdı ogeyse.
Çakırabız bişuvçuk.
Çabıb çengil kelmeyse.

Amma tabmat urçuknu.
Tayagı cok caşcıknı.
Uyanmadı kişuvçuk
Kaçırdıla çıçgannı

Amma bla caşcıgı
Onov kengeş ettile
Endi etse hataçık
Anı tutub tüyerge

Siz cuklarsız birazdan.
Çıçhan kelir tavuşsuz
Alıb keter kıyırdan
Esgergelley turuguz
Akga B 03 Ocak 2012

TELİDEN TUVRA HAPARLA(5)

TELİDEN TUVRA HAPARLA(5)
Burungu zamanda;Tatar Karaçay Malkarga konak bolgant.Konakbay aşatgant,içirgent keçe toyga ertgendi.Tavlu toy.
Künü cetgent Tatar eline kaytgandı.Nögerleri sorganla.Aşaganıng,içgening seni bolsun,ne kördüng
Tatar:Harzatları alamat aşhı.Cangız toyların caratmadım
_Kalay edi toyları sora
_Biri kobuznu aldı,tanga deri kim teli,kim teli deb sokdu.Eki evlen,eki evlen çıkdıla biz teli,biz teli teb artlarına allarına bardıla.Kalganlada Ay Marca telile deb
hars urdula.
:))Keligiz bu Tatarnı tabayık da uruşayık,kagın,sogun ble eteyik.Tabsagız mangada hapar berigiz marcala..

COMAK(Sabiylege)

COMAK(Sabiylege)

Ertde ertde bir cerde.

Mingi Tavda çegetde.

Kancal başlı bir üyde.

Caşab turgant kart adam.

Aruv aruv kızları.

Cigit bolgant caşları.

Konak etib harkimni.

Ozub ketgent künleri.

Birkün kelib tüşmanla.

Üylerini oydula.

Ol adamnı urdula.

Sabiylerin çaçdıla.

Anda munda çaçılıb.

Ontört cılnı ayrılıb.

Caşaganla kıynalıb.

Tabmaganla birbirin.

Bir sayıgız sayıgız.

Ontört cılnı sayıgız.

Ata ana körmeyin.

Ontört cılnı caşagız.

Cılab turur anagız.

Kıyın bolur halıgız.

İncir sizni canıgız.

Anı igi biligiz.

Ammalaga soruguz.

Nezat aytdı bu comak.

Es bölgenley turuguz.

Kerti bolgant bu comak.

Unutmayın turuguz.

Akga B 03 Ocak 2012

ELLERİZ,SUVLARIBIZ,CERLERİBİZ(Sabiylege)

ELLERİZ,SUVLARIBIZ,CERLERİBİZ(Sabiylege)
Suvlarıbız,cerleribiz
Keligiz bir aytayık
Bilalmasa Ahmat'cık
Kulakcıgın tartayık
Buruncugun sozayık

Semenbaşı,Mingi Tav
Aruvçat,Dombay ölgen
Aktamakçat,Koştan Tav
Caylıkbaşı,Buv Ölgen....
Hayda sizda aytıgız

Amanavuz,Arbakol
Ayülükulak,Koban
Uçkulansuv,Calankol
Camagat,Muhu,Bashan....
Başga ne bardı kaydam

Beştav,Karaçay Şahar
Hurzuk,Kartcurt,Karasuv
Sarıtüz,Cangı Malkar
Teberdi,Holam,Aksuv...
Kalgannıda tabıgız
Akga B 01 Ocak 2012

KİMLE BARDI ORAMDA?

KİMLE BARDI ORAMDA?


Cangı cılda dünyada
Kimle bardı oramda
Karayık bir hayda
Nezat ete turalla

Cangı cılnı sıylagan
Anga karab suklangan
Etalmayın uyalgan
Kengden kenge karagan

Cangı cılnı saymagan
Aruv sözde aytmagan
Anda bircuk tabmagan
Üyünede sukmagan

Esiribda davlaşgan
Suv tabmayın çabışgan
Baylık bla tabışgan
Carlılıkga alışgan

Haparıda bolmagan
Gırcın tabmay cılagan
Buz kesilib suvukdan
Oramlada caşagan

Dünya barat bılayla
Adam tolub oramla
Köbden köbde cıyıla
Cangı cılnı taballa
Akga B 31 ARALIK 2011