AMMA BLA CAŞCIK

AMMA BLA CAŞCIK

Amma supra salgandı
Caşcık anga karaydı
Bolganlanı caratmay
Tört canını talaydı

Aşa caşım karama
Bir cuk barsın karnıga
Meni blay kıynama
Kulagıngdan tartırma

Cav bolmasa aşamam
Supra taba karamam
Men cumuşga caramam
Kayda kaldı sarıcav?

Aytganımı etmeding
İynekleni kütmeding
İynek bizge bermedi
Sütnü erkin iymedi

Hayda tamla küteyim
Uzaklaga erteyim
Toydurubda keleyim
Berirmise sarıcav?

Alay bolsa caşcıgım
İynekleni savarma
Sarıcavda salıma
Seni mahday turuma
Akga B 28 Kasım 2011

TANIYMISA SEN ANI?

TANIYMISA SEN ANI?

Begimlikni,karamnı

Mingi Tavdan algandı

Tavkellikni,çalımnı

Kuban suvdan tabgandı

Anı blat erkenlik

Öhtem caşav,cigitlik

Anı blat,miyiklik

Kökde uçgan kuş kibik

Mingi Tavga uşaydı

Mingi Tav'ça çıdaydı

Mingi Tav'ça caşaydı

Başın timtik tutadı

Bilmeyiseng, bil anı

Adam kibik adamdı

Curtu bla Kuran'nı

Baş üsünde tutadı

Tanıymısa sen anı

Karaçaydı,Malkardı

Sıyı bla caşaydı

Allah anı mahdaydı

Akga B 27.Kasım.2011

TAMLA :)

Tamla,tamla dey tamlalarımı tavustula. Artık tamlası bolgan cokmut? Önküç berige manga. Izına berime bürsükün

KİLİSANI TAVLARI

Talabıla aylanıb

Kuruganhuyuga çıgasa

Cungurlaga baylanıb

Kartallanı tabasa

....

Çatmasırtda turalmay

Davusnumırdısına enerse

Ayırlanı salamlay

Karakolsırtga örlerse

...

Sırtnı colları

Barrıngı çınaçıkga bildirir

Çınaçıknı suvları

Seni Ketenlikge endirir

...

Örge burulıb kararga 

Karanlıkderet tuvrası

Eşşek kulakga barırga 

Kölçüksırtdı hunası

Gavurörenge süyelseng

Tört canıgı körese

Engişge cürüb terbeseng

Kölçük tüzge enese

...

Sol canıga burulub

Alışlıga tübeyse

Batmakderege kuyulub

Almatavga örleyse

...

Baştalaga barıga 

Ketenlikge enese

Anga cıgıb arırga 

Elibizni körese

Akga Bicaksiz -Eylul 11/2011

CANIM! CANIM!

Canım dedim, bolmadıng

Eteringden kalmadıng

Cüregimle toymayın

Caşavumu taladıng

....

Tabalmayma bir madar

Süymekligim keng tursun

Canım degenim kadar 

CANIM!!??canıg kurusun

KELİGİZ KİRİGİZ BOLUŞUGUZ

Sav keligiz keligiz

Salam bere kirigiz

Kesi üyügüzça körügüz

Cılı tılpuv berigiz

Uzak tursang cuvuktan

Karab kalsang uzaktan

Halkıng bergen nasıbtan

Ülüş tüşmez azıktan

Köb bolganlay sayıbız

Erkin bolur sıyıbız

Katı tamır salırbız

Kalaygada begirbiz

Nek çıkmaydı tavuşung

Cokmut eter cumuşung

Boş kalgandı ülüşüng

Bolur anga boluşung

Akga B 2011

OYUN OYNAYT SABİYLE (ALGINLADA KİLİYSADA)

Oyun oynayt sabiyle

Toz toprakga bölenib

Cangur cavub cibiyle

Kün issige süyelib

Kasım başcı bolgandı

Onov etet küreşib

Koydan ulak tuvgandı

Kökde kuşga tübeşib

Habiy cıbcık bolgandı 

Ucgan kuşga erişib

Tavbiy cigit bolgandı

CCıbık itle sermeşib

Aliy kelgent konakga

Tuvar kıstab uzakga

Amma kobat ayakga 

Karuv salıb tayakga

Süygeni bart kızcıknı

Aytalmaydı uyalıb

Anı süygen caşcıknı

Boyu ösgent kuvanıb

Sabiy oyunt külmegiz

Koy börünü kabsada

Kuvançların bölmegiz

Koydan ulak tuvsada

...

Kölügüzça oynagız

Carık bolub dünyagız

Erkinlikni tabmazsız

Ullu bolub kalsagız

Akga B2011