KİŞTİK -KARGA

Barda sorcun kargaga
Aruvcugum deb turat
Naytırıksa dünyaga
Harkim kesin caratat

Bizni bolgan alamat
Bolmagan va caramayt
Dünya tolu aruvluk
Erşibizge cetalmayt

Kiştik kerti aytadı
Cörme kirli boladı
Bizge uzak aruvluk
Erşi bolub turadı

Köz körgelley saylasa
Adam alay caratmayt
Cürek anga baylansa
Birzatnıda tıglamayt

Akga B2011

CILAMASIN ANALA

Asker bolub atala

Ölüb ölüb kaytalla

Öksüz kalıb balala

Cılab turat anala

Başıbızda paşala

Kayda bugub turalla?

Onov tüşgen adamla

Kimden korkub koyalla?

Başsız kalgant başıbız

Kıyın bolgant aşıbız

Şehit bolub keledi

Asker iygen caşıbız

Amanlıknı süygenle

Milletimi bölgenle

Netgenlerin bilmeyin

Murdar bolub ölelle

Ot tüşürüb üylege

Bardı karab külgenle

Allaylanı tüyerge 

Nek bir onov etmeyle

Cengil beri cetigiz

Millet naytat eştigiz

Coyulmayın betigiz

Kerti onov etigiz

Oyulmasın kalala

Ölmesinle balala

Kabul bolsun duala

Cılamasın anala

Akga B2011

İçim canat
Şehitleribizge Allahdan rahmet tileyme
Ayünü köre turgallay ızın ızlagan siyasetçileribizni lanetleyme
Bugün söleşmeseng,bugün küreşmeseng
Bugün cılamasang,bugün caramasang
Bugün karamasang,bugün kıynalmasang
Acal kirsin üyünge

KARAÇAYDA NAKIRDA:)

Karaçayda nakırda

Karaçaynı barıda

Nasıb ızleyt ma anda

Cıyınlada,toylada

Murat etib barganla

Kerti süygen taballa

Andan uzak kalganla

Ters cerlede caballa

Allay sözle aytılat

Seni senden alırça

Bazı sözle tabılat

Cürekleni carırça

Aytalmayın süygenin

Süygenini aşırat

Tobukların tüygenin

Tenglerinden caşırat

Bir karagız alaga

Birbirinden kubula

Aytır sözde tabmayla

Kuv şuv bolub turalla

Caşla süyüb barsala

Kızla aruv aytmayla

Cel tob etib oynayla

Allahdan da korkmayla

Caşladada bardıla

Erkin söznü tabganla

Cürekleni cagganla

Kızdan kızga çabganla

Karaçaynı adetin

Ayak tübü etmegiz

Eter üçün keregin

Tüzge berib ketmegiz

Akga B22 Ekim 20011

ALGINLADA KODU DEB BİRZAT BARİDİ:)

Oy camagat

Allah nı kulu bogan

Paygambarnı ümmeti bolgan

Eştik eştmedik demegiz

Kulak berib tınglagız

Eştmedik demegiz

Ahmat nı çalkısı tas bolgandı

Körgen tabgan 

Ahmat ga hapar bersin

ADAMLIKNI KOYMAYIK!!!

Deprem bolub cer tebse
Cangur cavub sel kirse
Allah bizni sınaydı
Ot da tüşüb üy küyse

Bıllay künde keng tursak
Cılamayın kuvansak
Adamlıknı coyarbız
Sıltav tabıb söz aytsak

Üyge kirib turmayık
Bir madarga karayık
Adamlıknı öltürmey
Caralanı baylayık

Abıngannı cılatsak
Örge tartıb almasak
Naytır bizge Allahım
Halal köllü bolmasak

Ongsuz callı bolmayın
Anı üyge almayın
Osal adam bolmayık
Carlı kolun tutmayın

Allah işin biledi
Biz onovga kirmeyik
Bizge hapar iyedi
Körmezlikden kelmeyik



Akga B25/10/2011

MEN KİMME?

Men Karaçaynı caşıma
Kan cavsada başıma
Adım atmam artıma
Halkım bla bollukma

Malkar kızı tuvganma
Azab kirse canıma
Dünya tursa allıma
Halkım bla bollukma

Kızlarıng la caşlarıng
Sanga tirev bolalla
Ayamayın canların
Seni sıylab turallla

Karaçayım Malkarım
Senden uzak kalmayım
Birge aytılıb atıng
Salam ayta turayım
Akga B 26/10/2011

KARAÇAY MALKAR ELLE

Kiliysa,nı kızları

Urçuk sapça burulat

Artga tartıb caşları

Ullu köllü kubulat

..,nı kızları

Çabak kibik süzület

Sıra saklab caşları

Mınçak bolub tizilet

..,nı caşları

Toydan hapar saklayla

Subay sanlı kızları

Toynu carıb baralla

...kızları

Begimlidi sözleri

Anda munda caşları

Toyda tüldü közleri

..,nı caşları

Onov ete turalla

İşni bilgen kızları

Toynu boşab koyalla

..te toy bolsa

Başcı bolat kızları

Hapar aytıb boşasa 

Toyçu bolat caşları

..kızları

Tebsevleri bek tabdı

Cuvuk köllü caşları

Kızlarına bek sakdı

Akga B29/10/2011